Ua faaleaogaina se lapataiga o se galulolo poo se tsunami i Kalefonia i le mae’a ai ona lūlū o se mafui’e i lona malosi e 7.0 i le fua mafuie na aafia ai ona gataifale.
Faamaonia mai e le US Geological Survey o le mafui’e na lūlū i le itu i mātū i gataifale o Kalefonia ma amata tuuina mai ai loa ma se lapata’iga o se galulolo peitai na toe faaleaogaina.
Na toe faalogoina le galulu o le fogā’ele’ele mai lenei mala faalenatura mulimuli ane; ma e silia ma le 10 afe aiga ua motusia le eletise i maota ma laoa i le faaitū o Humboldt. E le o iai ni soifua na aafia ae o loo faia suesuega i ni aafiaga mai i lea mafuie.
Ua faamanino ane e le Fale pa’epa’e o loo nofo sauni mo se fesoasosni pe a manaomia atu mai Kalefonia.
Puna o Faamatalaga: https://www.bbc.com/news/live/c77j4z56k3nt
