O le asō ua aga’i ai i nofoaga mo faigapalota le teritori o Amerika i le Pasefika, Amerika Samoa e faatino palota mo le sa’ilia o se Kovana, Lutena Kovana ma se Sui o Amerika Samoa i le Maota o Sui i Amerika.
O le ta o le 6 i le taeao analeila na tatala ai falepalota faato’ā tapunia i le 6 i le afiafi ma ua faamauina e 15,945 i latou ua mae’a ona lesitala e palota.
O i latou ia o le a filiina mai sui o Amerika Samoa i le Maota o Sui.
O le sa’ilia o se Kovana ma le Lutena Kovana ua toe tamomo’e ai i la’ua o loo tula’i mai i le tofi i le taimi nei, Lemanu Peleti Mauga ma le Lutena Kovana o Laapui Eleasalo Ale.
O loo lu’iina e Pulaalii Nikolao Pula ma Pulu Ae Ae Jr.
O isi ‘autauva o Vaitautolu Faafetai Laulualo sa avea ma faatonu o le ofisa mo tagata faigaluega a le malo o Amerika Samoa ma Maefau Dr Mary Taufetee sa faatonu i le American Samoa Humanities Council.
I le palota mo le konekeresi ua sauni ai Uifaatali Amata e tauvā ma isi foi sui tamaitai e to’atolu ua faatutū ane mo le avanoa.
E aofia ai Luisa Kuaea, Rosie Tago Lancaster ma Meleagi Sui Chapman.
I Amerika Samoa e faasā ona faatauina se ‘ava malosi i le aso lenei o le faigapalota ma ua faailoa e se sui o le ofisa palota a lea atunuu i le RNZ o le mataupu autū o loo finau ai tagata ina ia faaleleia le tamaoaiga o le atunuu.
Puna o Faamatalaga: https://www.rnz.co.nz/international/pacific-news/532967/american-samoa-elections-2024-voters-to-elect-governor-lieutenant-governor-and-us-congress-rep
