O le susue o le faamalama o le Isaraelu moni ma silasila i lona aiga ma lona nuu ma le lotu, ma fai se galuega e lagolago ai le atiinae o le latou tamaoaiga i Samoa, o le autu lea o se faatofala’iga a alo ma fanau o le afioaga o Samatau o loo nonofo aitau malele i atunuu mamao, e pei ona amata tatala ai le faitoto’a e faatau ai i Niu Sila talo mai faatoaga a le nuu.
O le faalapotopotoga o le Samatau Next Generation ua avea ai nisi o o latou sui i Niu Sila e pei o le tofa Teleiai Edwin Puni ua galulue i le tapenaina o lea faamoemoe tāua, ma le uta muamua ua faailoa e le Pulenuu o Samatau o le vaiaso nei e ave ai i Niu Sila.
Le Pulenuu o Samatau susuga Lavea Polivia Solomona. Ua faaalia e se sui o le Samatau Next Generation o le autu o le taumafaiga o le atiina a’e taleni a alo ma fanau o le afioaga i Samoa, e ala i tamafanau a Samatau o loo faamautu i fafo.
O se tasi o latou taumafaiga o le olaga taalo o tupulaga o le nuu, ma o lea ua sosoo ai ma le atinae o faatoaga e lagolago ai i taumafaiga a le Malo o Samoa.
