O le asō ua amata ai le savaliga a le alii e suafa ia Aorere Pewhairangi mai Gisborne i Hicks Bay mo le sailia o se seleni e fesoasosani ai i tagata o le latou faaitu na aafia i lologa ma le afā talu ai nei.
Fai mai lenei alii o lona manatu e fia faailoa lana lagolago ae leai ni ona agavaa faapitoa i tulaga tau le faamamaina o le alatele, alalaupapa ma mea ua faaleagaina, peitai e silia ma le 180 afe tagata e mulimulitai ia te ia i le social media ma manatu e faaaoga loa lea avanoa e saili ai se fesoasoani.
Fai mai ua 12 afe ua i totonu o le Givealittle page ua ia amataina.
E 10 aso ua fuafua e savali ai i luga o le State Highway 35 lea na matuai faaleagaina i le afā.
