Ua amata ona aoao manogi le Matāgaluega o A’oga ma Aganuu i le faia o a’oa’oga e sa’ili ai ni finagalo mai vaega eseese o le malo ma le atunuu i se taumafaiga e fausia ni tulafono se lua e puipuimalu ai meatotino ma agavaa faaleaganuu poo le Samoa’s Cultural Heritage and Traditional Knowledge.
O ia tulafono ua fuafua o le a faamoemoe e taofia ai le faaaogā faalētatau e isi o a tatou meatotino ma agavaa faaleaganuu e pei o mamanu o le tatau ma le malu, lea ua molimauina ua faaaogā faapisinisi e nisi tagata e aunoa ma se faatagaga faaletulafono.
Ua faailoa le lagolagoina e le malo o le fausia o ia tulafono i le naunauta’iga ia puipuimalu ia vaega tāua o lo tatou faasinomaga ua luu tupe ai isi o loo latou faaaogā ua pei o ni a latou lava meatotino, aemaise o le itu faapisinisi.
O le vaega o le Matāgaluega o A’oga ma Aganuu o loo fitoitonu i tomai ma agavaa faaleaganuu o loo taulamua i a’oa’oga o loo faatalanoa ai le fausia o ia tulafono.
