O le toe a’e o galuega uma i Samoa i le Aso Lua o lenei vaiaso i le mae’a o aso mālōlō o le Eseta, ua amata ai ma taaloga i le vaega o quarter finals e sa’ili ai le siamupini o le taaloga lakapi mo kolisi maualuluga uma i Samoa.
O ‘au a alii ma tamaitai mai le vaega e i lalo o le 14, 16 ma le 18 le matutua o le a tausinio ai ma ua faatulaga foi o ia ‘au e mai kolisi o Avele, Kolisi o Faleata, Lulumoega Fou ma Nuuausala, Kolisi o Leififi ma le kolisi maualuga o le CCWS i Pesega.
Faapena foi Kolisi o Aana, Sagaga, Papauta, Palalaua, Maluafou, le Kolisi o Falealili, Wesley College, Don Bosco, ma le Kolisi o Sanele.
O kolisi mai le motu o Savaii o le Itu o Tane, Savaii Sisifo, Kolisi o le Itu Asau, ma le Kolisi o Palauli.
