Ua amata le palota laititi a le itumalo o Port Waikato, peitai e foliga mai e lē o silafia e le toatele o tagata palota.
O le Advance voting poo palota nei e mafai ona vave faia na amata tatala i le aso ananafi, ma o loo sailia ai le sui o le itumalo e nofoia le nofoa o le Palemene lona 123 a Niu Sila.
O le palota laititi lenei ua mafua i le tuumalo o le sui momo’e o le pati a le ACT, Neil Christenseen i le toe tasi le vaiaso faia le palota tele a Niu Sila.
Ae mai sui o le National ma le ACT na asia fale o aiga i taimi o faalauiloa, ua toe molimau o le toatele o tagata o le itumalo e lē o iloa a mea ua toe faia se isi palota laititi.
O le palota laititi a Port Waikato e lē o momo’e ai se sui o le Greens, Labour ma le ACT, mai le sui o le National ua loa tausaga o ia saofaia, Andrew Bayly, o loo mafanafana e toe ave e le National.
O le a tapunia palota o le palota laititi a Port Waikato i le Aso Toonai, 25 o Novema, ma tālia ai le iuga aloaia i le aso 6 o Tesema.
