Ua valaau le Dental for All i le malo ia faia fua oloa o tagata matutua i totonu o Niu Sila.
O le kulupu lea o loo iai i totonu fomai fai nifo ma ua amata la latou petition faia online.
O se fuafuaga ua oo iai i le mae’a ai o suesuega na faia ma maua ai o le tusa ma le tolu kuata o tagata matutua i Niu Sila e le o e vaai le fomai fai nifo ona e taugata, ae na o le 43% lea na mafai ona vaai le fomai fai nifo i le tausaga talu ai.
O se suesuega foi na faaalia ai e le tusa ma le 74% o tagata na fesiligia e tatau ona faia fua oloa o tagata matutua i totonu o Niu Sila faapei ona faia fua ai mo fanauiti.
O le Auckland Action Against Poverty o lona ia foi lea manao.
A o amata ai le petition a le Dental for All i le asō, a toe tepa ia Novema o le tausaga talu ai na saunoa ai le minisita o tupe Grant Robertson, afai ae faatupe e le malo siaki nei o lona uiga e silia ma le $1 piliona isi tupe faaopoopo e moomia.
