Ua toe amata totogi e fanau 5 – 12 tausaga le matutua o latou pasese mo femalagaa’iga lautele, ma le 13 – 24 tausaga ua toe foi i le tau masani.
O le asō o lea ua aloaia ai suiga ua aveesea ai e le malo feoaiga fua sa leai ai ni pasese e totogia mo le 5 – 12 tausaga, ma le 13 – 24 tausaga o lea sa na o le ‘afa o le tau o pasese na totogi, peitai o lea na faamuta uma ananafi.
Mo le tele o vaega o Niu Sila o le asō le aso muamua o Me ua aloaia mai ai lenei suiga, e lē aafia ai nisi o faamāmāavega o pasese lea o loo ofo mai pea e nisi o puleganuu.
Fai mai ai le Fares Free New Zealand i tala a le 1News, e faitau afe tagata ua aafia i le suiga ua aloaia mai le asō, ma e lē faigofie a o iai i le taugata o le soifuaga.
Ae fai mai le Palemia, Christopher Luxon ananafi, o le toatele o tagata e lē faaaogāina femalagaa’iga lautele ma e lē o faigofie le taumafai e toe faatulai le tamaoaiga o Niu Sila e ala i le tuu mai i lalo o le inflation.
Puna o Faamatalaga: https://www.1news.co.nz/2024/04/30/end-of-public-transport-subsidies-devastating-as-costs-bite
