Ua amata faigamalaga tuusa’o a le Qantas mai Aukilani agai i Niu Ioka.
Mo le uluai taimi ua faamauina ai i talafaasolopito le lele ese atu o le Qantas mai Aukilani i atunuu mamao, e ese mai ai ia Ausetalia.
O lea ua amata i le 3 aso i le vaiaso faigamalaga tuusa’o nei a le Qantas, e faamoemoe e faaopoopo i le 4 aso pe a oo i le masina o Oketopa.
Ae e lei sau le Qantas, o lea sa na o le Ea Niu Sila e lele sa’o agai i Niu Ioka e pei ona amata mai ia Setema ma o se tauvaga i le va o kamupani vaalele e le masalomia le manuia ai o tagata feoai e ala i le pa’ū o pasese.
O se tala mai le Flight Centre i tala a le 1News a o iai i le taimi nei e silia ma le $200 o loo taugofie ai tau o pasese a le Qantas na i lo le maketi o loo iai nei.
