O le vaiaso nei e amata faasolo ai tuiga o le Koviti mo tagata Tonga

O le motu autu I Tongatapu lea o le a amatamea I le Aso Tofi nei, ma o loo ave foi le faamuamua I tagata galulue I tuaoi

I ripoti o lea na muai faia faalauiloa I luga o leitio ma televise faasalalau I totonu o Tonga e faamalamalama ai le aoga o le tui, ma o le aso 31 o Mati lea na muai taunuu ai le 24,000 tui o le ituaiga AstraZeneca

O loo iai fuafuaga o le Aso Tofi ma le Aso Faraile nei o le a amata faia ai tui o leoleo, tagata galulue I uafu ma malaevaalele faapea isi auaunaga o loo gafa ma tagata taunuu atu I Tonga, tusa lea ma le 2200

E ui i ripoti o le tui lenei a le AstraZeneca e ono maua ai potoi toto  I le maea faia o le tui, o loo mafanafana le vaega o le soifua maloloina a Tonga e tusa ma ripoti a le leitio a Niu Sila I ana suesuega faapea faamaoniga mai le faalapotoptoga a le soifua maloloina I le lalolagi