E foliga mai ua amata ona faasolo ina faaitiitia le aofai o tagata o loo aafia i le koviti mai Niu Sa Uelese ma Vitoria e ui o loo fai si faatuai, e pei ona iai se lipoti mai faamaumauga lata mai o le faamai.
O loo ta’ua na faamauina se siitaga e 18 pasene i gasegase o le koviti i Niu Sa Uelese i le faaiuga o le vaiaso talu ai.
O Vitoria foi sa vaaia le siitia i le 22 pasene o tagata ua aafia i le faamai i le piliota i luma atu.
O loo taumate nei la e i latou o loo mataituina le faamai ma ona aafiaga mai le Iunivesite o NSW, e ono oo atu i le vaiaso muamua o le masina o Tesema, le vaiaso a sau, ua amata ona toe agai ane i lalo le aofai o tagata e taofia i falemai ona o le koviti.
E 37 soifua ua ma’umau e iai sootaga i le koviti sa faamauina i le faaiuga o le vaiaso talu ai.
