Reverend Iliafi Talotusitusi Esera
Photo : Bevan Conley

Amanaia le tautua a tagata Samoa i Niu Sila

O le toatele o tama fanau a Samoa o loo aumau i totonu o Niu Sila lea ua faamanuiaina nei i faailoga tauoloa a le Tupu tamaitai (Queen’s Honours Award)

O i latou nei e aofia ai ma le susuga i le faifeau ia Iliafi Talotusitusi Esera. O Iliafi o se tamalii ua loa lana tautua i totonu o Niu Sila, Samoa ma le lalolagi atoa i ana lauga ma faamalosiau i le toatele. Sa  ia umia tulaga maualuluga o le Ekalesia Assembly of God o se Superintendent of AGNZ i le tausaga e 2003, seia oo ina ua filifilia ma General Superintendent i le tausaga e 2011.O le tausaga nei lea ua faamanuiaina i le faialoga tauaoloa e faaigoaina o le Officer of the New Zealand Order of Merit.

O le isi tamalii Samoa lea na faamanuiaina i lea faailoga maualuga(ONZOM) o le afioga ia Itamua Muaiao’omalo Mataiva Robertson.

O Itamua o se tasi o poutū malosi o le faalapotopotoga tagata Pasefika i Niu Sila ona o lona unaia malosi lea o puipuiga o tina ma tamaitai mai sauaga eseese, o ia foi o le Failautusi Aoao o le Faalapotopotoga a Tina Metotisi i le lalolagi (World General Secretary of the World Federation of Methodist and Uniting Church Women).

Taua e Itamua ina ua ia vaaia le faatuputupulaia o sauaga ma le pule i le ola a tagata Pasefika o ī na iai le naunautaiga ia te ia o le a ave iai lana faamuamua ma lana faamamafa.

O le isi faailoga na faamanuaina ai le susuga i le alii faifeau ia Rev. Victor Pouesi a le Ekalesia Faapotopotoga Kerisiano Samoa Puaseisei Mangere East.

O Rev. Pouesi na amata galue i le Ekalesia i le tausaga e 2002 ma na ia taua e le’i iai sona mafaufau e faamanuiaina o ia i lea faailoga tauoloa.

O le tausaga e 2008 na amata ai e Rev Pouesi ma lona aiga galuega (study center) mo fanau aoga uma a le ekalesia e faia ai meaaoga ma e faaoga ai le Faletele a le Ekalesia. O lenei gaioiga na lagoalgo e le Univesite o Otago I Niu Sila ma maua ai avanoa sikolasipi mo fanau e i le vasega 12 ma le 13.

E le gata o i latou nei ua faamanuiaina ae faatasi ai ma le toatele o tagata pasefika na maua lea faamanuiaga mai le Tupu tamaitai.

LAUILOA

Keep uptodate with Radio Samoa activity & promotion

* indicates required