O le Aso Faraile le faaiuga o lenei vaiaso, ua faatino ai e le Malo se sauniga e amanaia ma faatāua ai taumafaiga a alo ma fanau a le atunuu sa tausinio i taaloga a Malo o le Taupulega i le lua masina ua tuanai atu nei.
O le susuga Don Opeloge na manumalo i le pine auro i ia taaloga i le au siisii uamea mamafa a Samoa, o le a faamanuiaina i lea faaaloalo, faapea ma le faiaoga o le au siisii uamea mamafa le afioga Tuaopepe Jerry Wallwork.
O taaloga a Malo o le Taupulega sa faia i Birmingham i Peretania i le tausaga nei na tu maualuga ai Samoa i le aofaiga o pine na ia maua i ‘au masii mai atunuu o le Pasefika, lea e tasi le pine auro ma pine siliva e lima. E fa siliva na manumalo ai le ausiisii uamea mamafa a le atunuu ae tasi le pine siliva mai le taaloga faipele poo le fusu.
