A o lamalama faai’u le masina o Iulai, o le vaiaso nei lea e agai mai ai suiga o le a faaitiitia ai lafoga totogi mai tupe maua a tagata Kiwi.
E faitau miliona tagata Niu Sila o le a manuia i le polomisi a le malo lea o le a aloaia mai le Aso Lulu, le aso mulimuli o Iulai ma i faamaoniga a le minisita o tupe, Nicola Willis e tusa ma le 3.5 miliona tagata e manuia ai.
Ae o le fesili i le tele o le tupe faasao a tagata mai lafoga totogi, e eseese lava e fua i lou siomaga faapea tupe maua, ae o loo iai le budget tax calculator online e mafai ona fesoasoani i tagata.
I le fesili pe iai se gaioiga e tatau ona faia e tagata totogi lafoga ia maua ai lea tupe faasao, o le tali e leai peitai mo i latou e fia talosaga mo le Family Boost Tax Credit ma o loo agavaa, e na o le pau ia o aiga e tatau ona faatalosaga mo lea fesoasoani auā le totogiina o aoga amata o loo ave iai fanauiti.
Puna o Faamatalaga: Tax cuts are coming this week – Here’s what to expect (1news.co.nz)
