O loo agai mai suiga mo tagata o loo nofo totogi i fale poo renters faapea i latou e ona fale poo landlords.
O le masina a sau lea ua faailoa e le minisita o fale, Chris Bishop e talanoaina ai e le Palemene le tulafono o loo aumai ai suiga o tulafono, ma o nei suiga e aloaia i le amataga o le tausaga fou.
O suiga nei e aofia ai le toe faafoi mai o le 90 day no cause, poo le suiga e mafai ai e lē e ona le fale ona faamuta le taimi e nofo totogi ai tagata i lona fale, ma o lea suiga e mo fale mau totogi e lē o iai se umi i lalo o maliega e tatau ona nofo mautotogi ai, periodic tenancies.
Ae mo fixed term tenancies, poo tagata o loo mautotogi i fale o loo aiaia i lalo o le maliega le umi e tatau ona nofo totogi ai, o le a toe aumai le mafai e mafai ai ona faamuta e le landlord le maliega o loo nofo totogi ai e aunoa ma se mafuaaga.
O le piriota foi ua ta’ua o le notice period o lea foi o le a faaitiitia aso ma o le a toe foi ai i le umi sa iai a o lei suia i le 2021.
I se saunoaga a le minisita, o ni suiga ia siitia ai le fuainumera o fale i le maketi.
Puna o Faamatalaga: Govt announces changes for renters, landlords, bill coming in May (1news.co.nz)
