Ua saunoa le faauluuluga o le World Food Programme i Afghanistan o Hsiao Wei Lee, pe na o le ‘afa miliona tagata Afghanistan e mafai e le faalapotopotoga ona toe ofo iai ni taumafa e mafua mai i le faaitiitia o le fesoasoani faavaomalo ina ua taofia le fesoasoani tau tupe mai ia Amerika.
Fai mai Lee o le to’atele o tagata ua na o le falaoa lava ma le ti o loo tausami i aso uma ma o le 2021 na amata faaletonu ai le tamaoaiga o le atunuu ina ua osofa’ia e le Taliban ma taofia ai loa fesoasoani uma i le atunuu.
Fai mai Lee talosia ia toe iai ni fetuuna’iga e mafai ona faia i nisi o faai’uga ia maua ai se fesoasoani mo tagata Afghanistan.
Ua ta’ua i nisi lipoti popolega o le to’atele e i’u lava ina iai ni tagata e maliliu ona o faai’uga fai a Trump i fesoasoani faavaomalo ia ua taofia uma.
Puna o Faamatalaga: https://www.google.com/amp/s/amp.cnn.com/cnn/2025/01/27/asia/wfp-aid-cuts-afghanistan-intl-hnk
