Fai mai e ono faaopoopo pea le aofa’i o tagata ua maliliu i le afā o Chido i le teritori o Farani e igoa o Mayotte, e to’a 11 ua faamaonia i le taimi nei ae manatu i latou o loo feagai ma galuega lavea’i e ono oo atu i le faitau afe.
Faavave atu le fesoasoani a Farani ma tagata galulue i le teritori lea i le vasa Initia ina ua maua lipoti e ogaoga aafiaga mai le afā e pei ona ta’ua.
Fai mai o le afā aupito malosi lea ua aafia ai lea faaitu i le 90 tausaga ma ua faaleagaina le tele o auala, o le malaevaalele faapea ma le motusia o le eletise mai le tele o vaega.
O le aai lea ei gataifale o Aferika ae o le teritori o Farani ma ua faamauina o se vaega matitiva o le Iuni a Europa, e silia ma le 300 afe tagata e aumau ai.
Ua faailoa foi e le CNN sa ofoina ai e Pope Francis talosaga mo lea faaitu a o faia sana asiasiga i le motu o Corsica i le atu Metitirani i le aso ananafi.
Puna o Faamatalaga: https://edition.cnn.com/2024/12/15/africa/mayotte-cyclone-chido-death-toll-intl-latam/index.html
