Ua faamaonia le aafia o se pepe I le falemai I North Shore I le koviti 19 ile maea ai ona asia atu e lona tama sa aafia foi I le koviti. Fai mai le Herald e faalua ona asiasi atu le tama lea I lana paaga ao masalomia le aafia.
O le siaki na faia a le tina e negative pe e le o aafia peitai o le pepe na faamaonia le aafia I le test na faia ananafi. O loo taua o le tina ma lana pepe sa nao laua I le potu o loo faataotolia ai talu ona agai atu I le falemai ma ua siitia atu nei I ward poo vaega o le falemai ua faapitoa mo tagata e aafia ile koviti.
O loo tatala pea le vaega lea o le maternity ward a le falemai ae ua iai foimai ua toafia le faigaluega ao faia sueseuga o le mataupu lea. I isi lipoti o le faamai ua faaopoopo nisi cases I Raglan , lea ua faamaonia mai o tagata sa aumau faatasi ma le uluai case lea ua aafia pei ona saunoaina e le palemia Jacinda Adern.
E 33 cases fou na faamauina I Aukilani, Hamilton ma Raglan I le aso ananafi ma o le ta o le fa o le aoauli nei o le a faalauiloa mai ai e le palemia ma lana kapeneta faaiuga e tusa ai o le vavao I Aukilani faapea ma le aofai o cases fou faamauina I le aso.
