Ua galulue travel agents faapea pulega o mataaga i le Pasefika e fesoasoani i turisi aafia ona o galu malolosi na faaleagaina ai nisi o nofoaga i le faai’uga o le vaiaso. 

O galu malolosi nei ua faaleagaina ai mataaga, faletalimalo ma lolovaia ai le tele o ia nofoaga i le Pasefika i le faai’uga o le vaiaso e aofia ai mataaga i Samoa. 

O Amerika Samoa ma le Atu Kuki na fofoga mai ai lava ma poloa’iga o faalavelave faafuasei ona o lologa na oo iai. 

O le molimau a le House of Travel, e to’atele turisi na matua’i faate’ia ai aemaise o lea e to’atele tagata tafafao i taimi o tuuaga o aoga ma ona o le to’atele tele o tagata ua faafaigata ai ona fetuuna’i aso ma taimi o faigamalaga a vaalele e toe faafoi mai ai. 

Ae mo pisinisi ua aafia o loo toe tau faaolaola mai foi mai aafiaga o le Koviti, o se faanoanoaga tele le toe tuta’ia faapea meatotino ua faaleagaina. 

E tuufaatasia tala fou ua faamautinoa mai e pisinisi ua aafia i le Atu Kuki o loo maua le fesoasoani mai le malo.