Ua faamaonia mai e le kamupani inisiua a le Medibank o latou le isi kamupani Ausetalia lea ua aafia i osofaiga i luga o upega tafailagi ae ua mae’a logoina ana paaga o loo saogalemu o latou faamaumauga uma.
O le asō ua faailoa ai e le kamupani ua o latou matauina nisi o gaioiga ua faia i luga o le latou network i le aso ananafi ma ua mae’a ona o latou faatino gaioiga uma e puipuia ai faamaumauga o a latou paaga ma ua galulue faatasi foi ma kamupani o loo feagai tonu ma le foiaina o tulaga faapea.
Fai mai le Medibank o nisi o auaunaga o le a aveesea mai ma upega tafailagi mo le asō a o faagasolo ai gaioiga uma e malupuipuia ai tagata.
Ua faamalie foi le kamupani ia i latou uma e faaaogaina le latou auaunaga ona o le lē mafai ona silasila i polisi ma inisiua i upega tafailagi i le taimi nei a o faatino ai le pitolaau a le kamupani i le faamautinoaina o loo saogalemu ma leai se faamatalaga o loo liki atu i le au osofai, cyber attackers.
