O loo finau nei nisi o taitai i auaunaga tau turisi, le Tourism and Transport Forum, le Australian Federal Travel Agents atoa ai ma le Australian Airport’s Association ina ia taofia le toe siitia o se isi totogi faaopoopo mo pasese femalagaa’i.
O le latou talosaga ua tuuina atu i le malo ina ia aua ne’i siitia le totogi lea i le tala faatatau o le tupe o le a folasia i le vaiaso nei.
O le totogi lea e ta’ua o le passenger movement charge poo le PMC ma e totogi e tagata uma e agai ese ma Ausetalia, e tusa poo se turisi poo se tagata malaga foi a Ausetalia, e totogi lava le lafoga lea e $60 i le tagata malaga mo le malaga e tasi.
E faaopopo lea totogi i le pasese ma e aoina e le Commonwealth le tupe lea e fesoasoani ai i le faatupeina o auaunaga i pasese i borders o le atunuu
Fai mai i latou ia e le mananao e aveese le totogi ae ia aua ne’i toe iai se siitaga mo le isi 5 tausaga.
Na amata lenei faiga i le 1978 ae nao o le 10 tala i lea taimi. Fai mai kulupu ia o le siitia o le peimeni lea o le siitia foi lea o le tau o pasese ma atili faigata ai mo aiga ma pasese ona faimalaga, ma o le a iai foi ma aafiaga i tagata faigaluega i ia auaunaga
