Ua toe o se aga ona taunuu lea o le faamoemoe o le amataina o le taamilosaga o le Ipu o le lalolagi i le lakapi liki ae ua lipotia i le RNZ Pacific o nisi o ‘au o le a ulufale i le taamilosaga e aunoa ma ni taaloga warm ups.
O le Toa Samoa ma FIti o loo taumafai pea le tuufaatasiga o ‘au a o lumanai ai le uluai taamilosaga e amata i le faaiuga o le vaiaso nei.
Faailoa e le faiaoga ulu a le Toa Samoa o Matt Parish i le lipoti lea o lana ‘au o le ‘au aupito malosi lea a Samoa ua faasauni mo le Ipu o le lalolagi ae e lei iai ni a latou taaloga warm up e sauni ai mo le amataga o le taamilosaga.
O Samoa e talamalae ma Egelani i le aso a taeao ae o le ‘au foi lea a Egelani na toilalo ai Fiti i le la fetauiga i le vaiaso talu ai e 50-0.
Talosia ia manuia le alofaiva o tamafanau a Samoa i le fetauiga lea i le po a taeao
