E 94 avanoa faigaluega fulltime i le Pulega a Aukilani poo le Council o le a faamuta e pei ona lipotia e le iuni o loo tulai mo le aufaigaluega.
Fai mai le Public Service Association (PSA) o se pepa o faamatalaga na tuuina i le aufaigaluega i le aso ananafi ua faailoa o le restructure poo le toe fetuunaiga lenei o le a aafia ai avanoa faigaluega e 51 ma le 25 o avanoa fou ma o isi avanoa faigaluega e 68 o loo iai nei o le a toe aveesea.
O le failatusi o le PSA na ia faailoa o le toe fetuunaiga lea o le a tuu ai ma se tapulaa i le tulaga o le faatinoina o galuega a le Pulega ma atili malosi ai foi le unaiga i le aufaigaluega o le a totoe.
Na ta’ua e le Iuni o loo iai le latou popolega mo nai tagata faigaluega o le a lusi galuega.
