E tusa ma le $9.5 miliona i totonu o le aso e tasi lea e totogi mai e kamupani inisiua i aiga na aafia i lologa faapea le afā o Gabrielle.
I se lipoti mai le Insurance Council a Niu Sila e 14,124 talosaga mai le aofai e 96,586 ua mae’a iloilo, ma e tusa lea na o le 15%.
O inisiua foi o lologa ma le afā o lenei tausaga ua sili atu ma le 45,000 talosaga e tusa lea ma le $2.27 piliona na totogi mo le mafuie i Kaikoura.
O le tele o talosaga o le afā o Gabrielle e sau mai Hawke’s Bay, lea e 32.9% ua uma ona toe totogiina atu.
Ua sau ai foi ma faamaoniga e le o talosaga uma na faaulu atu mo inisiua e faigofie, ma e iai lava foi se vaega o nei talosaga e maualuluga aofai o loo iloilo pea.
