E na o le 8 tausaga le matua o si teineitiiti ua lipotia ua uma lona ola ina ua mu le fale sa iai i Brisbane i le taeao ananafi.
Fai mai o le tamaitai o loo tau sailia foi e pe ā ma le 30 tausaga le matua ma o le babysitter a le aiga.
Fai mai o mātua o le teineitiiti o loo i Niu Sa Uelese ma ua molimau le aiga o se teineitiiti e fiafia e fai faatau ma talanoa ma tagata.
Molimau le tineimu i le malosi o le sasao a le afi ina ua taunuu atu ma sa faasolo ane i isi fale i autafa.
O le malosi o le afi ua faigata ai foi ona faaauau le galuega a le tineimu o lona uiga e i’u ina umi se taimi o faatali le mafuaaga o le afi.
O loo faaauau su’esu’ega ae ta’ua e iai foi se isi alii na ave i le falema’i mo togafitiga ina ua mānavaina le asu mai le afi ma o le asō o loo faaauau ai ia su’esu’ega.
Puna o Faamatalaga: https://www.9news.com.au/national/brisbane-news-two-feared-dead-after-fire-engulfs-three-houses-in-thorneside/9de7e8cb-ec8d-4ad7-aec6-808c2ca0a6aa
