8.5 miliona isi tui a le Pfizer-BioNTech ua toe faatauina mai

8.5 miliona isi tui  o le Koviti a Niu Sila, ituaiga Pfizer-BioNTech ua toe faatauina mai e le malo

O le isi uta lenei o le a faaso’o ai tuiga o le Koviti mo Niu Sila atoa, atoa ai le 10 miliona o tui oka mai le Pfizer-BioNTech

O le uluai mavaega na iai e na o le 1.5 miliona tui e oka mai le Pfizer-BioNTech lea e na o le 750,000 tagata e mafai ona oo iai, peitai ua saunoa le tamaitai palemia, Jacinda Ardern, o le toe oka o isi tui o le ituaiga lava lenei e tasi o le a faafaigofie ai ona faia tui ta’ilua o tagata taitoatasi faaaogaina ai le ituaiga vailaau lava e tasi, aemaise ua faamaonia e oo atu I le 95% le malosi e puipuia ai mai le vairusi

Ese mai le vaavaai e puipuia tagata Niu Sila, ua faailoa e le minisita o le Koviti, Chris Hipkins, o loo faia nei foi feutanaiga e faameaalofa atu I atumotu o le Pasefika ma isi atunuu tauatiae tui faasili

Ae I se vaaiga I le faasologa o tui o loo faia I le taimi nei, pe tusa ma le 50,000 tagata o aiga o I latou e galulue I tuaoi lea ua maea faia o latou tui, ma e le o toe mamao oo mai le faasologa I isi tagata galulue I le soifua maloloina e le o feagai ma tagata mai fafo

O tui a le Pfizer/BioNTech e taugata atu na I lo isi tui na silasila iai le malo O le afa lona lua o le tausaga nei o loo fuafua e taunuu mai ai tui faaopoopo ua toe oka nei.

LAUILOA

Keep uptodate with Radio Samoa activity & promotion

* indicates required