E to’a sefululua tagata na pu’eina i osofa’iga a leoleo i Savai’i i le Aso Faraile ua mavae na maua ai fualaau faasāina o le ‘aisa ma maruana faapea ma ni au’upega o laau malosi.
O le sefululua ua maua ai nei le aofa’iga e 70 o tagata ua taofia i le vaaiga a leoleo ma ua molia i le umia o fualaau faasāina talu mai Tesema o le tausaga na te’a nei.
O le Aso Toonai na feiloa’i ai le Sui Komesina o Leoleo ma le vasega o tusitala e faailoa ai le galuega sa faatino i Savai’i ma nisi o nuu i le motu o Upolu ina ua mae’a le Kerisimasi ma le lumanai o le Tausaga Fou.
