Ua faamaonia mai e le kamupani a le Dominos o le a tapunia le tusa ma le 70 o ana faleoloa i le lalolagi atoa e aofia ai ma le 30 o faleoloa i Denmark.
E ui e silia ma le 3,800 faleoloa a le Dominoes i le lalolagi atoa ae o le Dominos Pizza Enterprise i Ausetalia lea e umia aiātatau i franchise i le tele o atunuu o iai lea pisinisi.
O Fepuari o le tausaga nei na muai faalauiloa ai e le kamupani ua matuai faamauina le itiiti o tupe maua i ana faatauga talu mai le tausaga na tea nei.
E pei ona silafia o le Dominos e faapitoa lana auaunaga i le taumafa o le pizza lea e fiafia i ai le toatele aemaise lava foi i le fanauiti.
