E 633 tagata poo cases fou o le koviti 19 ua faamauina mai I le aso mai Niu Sau Uelese I Ausetalia mai le silia ma le 103 afe o siaki na faia o le koviti I totonu o le 24 itula ua tuanai. Na’o le158 o ia cases e iai sootaga ia I latou ua maea ona pesia ae o loo suesueina pea leisi 475.
O se aofaiga aupito I maualuga lea ua iai I le setete talu ona toe pepesi le faamai I le masina o Iuni ma ua faaalia e le premier, o le auala lava e taofia ai ma faaitiitia ai lea fuainumera o le nonofo I le fale.
E toatolu isi soifua ua maumau I totonu o le 24 itula talu ai , toalua alii pe a ma le tai 70 tausaga mai Western Sydney ma leisi tama pe a ma le 60 tausaga le matua mai le falemai I Liverpool.
E oo mai I le taimi nei e 462 tagata o loo togafitia I maota gasegase,o I latou ua aafia I le koviti, 77 o I latou ia o loo ile vaega tigaina ma le 25 o loo faaaoga masini manava.
O le faamatalaga mai le soifua maloloina ua faatupulaia pea le numera o tagata talavou o loo aafia ma ua fautuaina ia faia tuipuipui ma usitaia ‘aiaiga ua faatulaga mai mo le tapu o loo faaauau pea.
