O le sainia ai o le poloketi 5 tausaga a le ofisa o le Malo o Iapani i Samoa nei Japans International Corporation Agency (J.I.C.A.) ma le E.P.C. o le unaia lea o tulaga i suiga o le faaaogāina ai o le eletise i le atunuu.
O lenei poloketi e aofia ai ma nisi o atunuu o le Pasefika e aofia ai Palau, Fiti, Tuvalu ma Federated State of Micronesia.
E mo Samoa lava ia o le manulauti ina ia faaitiitia o kasa kaponi mai vaega o gaosia ai le eletise e ala lea i le faaaogāina ai o malosiaga faafouina mai le la e pei ona tuuina i faamatalaga a le J.I.C.A.
O sui mai Samoa nei o le a nafa ai ma aoaoga i Iapani ma Fiti e unaia ai le aoaoina o tomai e ala i vaega e fuafuaina ma atinae lenei vaega, o le siitia ma le agai i luma o lenei poloketi.
O le autu foi lea o le faatino ai o aoaoga e fitoitonu ma le poloketi lenei i lona tulaga maumaututu ina ia faaleleia pea tulaga o malosiaga tau eletise i totonu o le atunuu.
