Pe ā ma le 4 piliona o le a faasaoina mai e le malo e ala i le toe fetuunaiga ua faia ia fesoasoani ai i nisi o matagaluega a le malo o feagai ma luitau i lenei vaitau.
O le faamatalaga lea mai le minisita o Tupe o Grant Robertson na faia i le feiloaiga a le Chamber of Commerce i Ueligitone i le aso ananafi.
Na ia ta’ua ai o se vaega o toe fetuunaiga a le malo, o se tasi lea o uluai gaioiga na faia e Chris Hipkins ina ua avea ma Palemia ma sa feagai ai minisita ma le galuega o le sailiga o ni tupe e mafai ona faasao mai totonu o tala o le tupe a latou matagaluega.
Fai mai la Robertson i le iuga o lea gaioiga ua faaopoopo mai ai nei le 4 piliona i le tala faatatau o le tupe mo le tausaga nei 2023, ma o le a faailoa auiliili lea vaegatupe pe a faailoa le tala faatatau o le tupe.
Fai mai e aofia ai i le fuafuaga lea le tapunia o nisi o auaunaga e manatu le malo e le o toe manaomia.
