Ua faailoa e le Palemia susuga Laaulialemalietoa Leuatea Polataivao Fosi i lana feiloa’iga masani ma Tusitala, le faamautū ai o le filifiliga o le 39 o ta’ita’ifono o Fono Faavae a o tālia le faai’uga mo ta’ita’ifono o Fono Faavae e 12 e atoa ai le 51 o fono faavae.
O le toe faatulagaina o faiga faavae mo le poloketi o le miliona tālā i le mae’a o le palota tele ma toe filifilia le faigāmalo a le vaega faaupufai o le faatuatua i le Atua Samoa ua tasi, ua faatalanoa ai sui sa tauva i le palota tele ma sui faipule na manumālō e sa’ilia ai ta’ita’ifono mo komiti a Fono Faavae.
O loo fuafua e tatau ona amata galuega i le mae’a o aso fiafia o le kelisimasi ma le tausaga fou ua tatala ai ma galuega mo le faagaioia o ofisa o Fono Favae.
