teuila festival 2021

31 tausaga talu ona faavae le polokalame o le Teuila

Ao iai pea le lalolagi i tulaga faigata ma le pāgātia i le maaleale o le faama’i oti o le Koviti 19 ua faatumaina ai nei le faamanutuina o le Teuila i Samoa e ala i le toe faasalalau ai o faafiafiaga ma pesepesega i tausaga ua te’a.

O le tausaga nei e atoa iai le 31 tausaga talu ona amata mai ona faamanatu le Teuila i Samoa ma o se vaega taua i le itu tau tagata tafafao maimoa mai fafo e asia ma matamata i le lalelei o Samoa. O le tausaga e 1991 na faavae mai ai ma e ui o loo tele faafitauli e tulai mai ae e iai lava auala e mafai ona faamanatu ai lea polokalame taua a le atunuu.

Na tatala aloia le Teuila i le Aso Sa 29 o Aukuso ma i le saunoaga autu a le tamaitai Palemia Fiame Naomi Mataafa na ia taua ai “O le faamoemoe o lo tatou malo i lenei alamanuia ia fesoasoani tele lea mo le siitia o le tamaoaiga o Samoa aemaise o aiga taitasi. O le naunautaiga ia maua e Samoa atoa lenei vaiaso i le manuia ma le faatasi mai o lo tatou matai sili i le lagi”.

O le faagasologa o le polokalame o le asō o le a faasalalau ai nisi o faafiafiaga mai tausaga ua mavae i luga o televise, tatala ai foi nisi o maketi e ala i mea taulima Samoa ma measina a le atunuu ae le gata i lea o ni polokalame mo fanau laiti i le Aso 2-3 Setema i le talafatai i Apia (Waterfront).

O le a faaauau foi ona tauave e le tamaitai o Fonoifafo Nancy Seumanu McFarland le pale o le Tausala o Samoa seia aulia le tausaga fou.

O nei vaega uma ua faatino ona o puipuiga mai le ono aafia o le atunuu i le koviti19.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required