O le faaletonu o taofi o se pasi a le Laumosooi na malaga mai Falealili mo le taulaga i Apia i le taeao o le Aso Gafua le amataga o lenei vaiaso fou, na mafua ai ona tupu le faalavelave na tulai mai i se vaega o le alatele i Malifa i luma tonu o le ofisa o le kamupani vaa o le Transam ae faafesagai ma le lotoā a le kolisi o Leifiifi.
O ata video mai masini pueata a lea kamupani na iloa ai le taimi na tupu ai le faalavelave ina ua tifa i tua le pasi taia ai se taavale ma alu ese ai luma o le afi o le pasi ma le fale ma faapena ona aafia ai le pasese e toa 27.
O le toafā o le aumanunu’a e tigaina manu’a ma o loo taofia mo togafitiga i le maota gasegase i Motootua, o isi na togafiti ma toe foi i o latou aiga.
E tuufaatasia lenei lipoti e lei toe maua mai se tala lata mai o le faalavelave ae o loo faia iai suesuega a leoleo.
