Na maua i le faaiuga o le vaiaso aisa poo methamphetamine sa aumai faananā i totonu o Niu Sila, ma e talitonu o le uta tele lea talu mai le 2020.
I se lipoti mai le vaega o tiute, e latalata i le 26 kilokalama le mamafa o methamphetamine na faalafi mai i totonu o atopa’u e lua a le alii na faimalaga mai Kanata ma taunuu i le malaevaalele i Aukilani.
Na molimau ai le sui o le vaega o tiute i tala a le Newshub, ua faatū ai se matatia e lea tamā, auā o lea e gata lava i le 19 kilokalama na maua i le 2020.
A faatusa le tau e toe maua mai fualaau faasāina nei na maua i le faaiuga o le vaiaso pe a faatau i tua, e maua ai le tusa ma le $9 miliona.
E lua moliaga ua molia ai le alii ua molia, ma o loo taofia i lalo o le vaavaaiga a leoleo e tālia le toe tulai ia Fepuari o le tausaga fou.
