E silia ma le $250 miliona le tau e toe faaleleia ai tane vai ma nofoaga o loo faamama ai le suavai taumafa a Aukilani.
O le tala mai lea a le Watercare ma o mea nei na faaleagaina e le gata o le afa o Gabrielle ao lologa o le Auckland Anniversary.
O lea ua faia nei se komiti faapitoa e gafa ma galuega nei, ma ua sau ai ma le tala e tausaga ma le afā pe sili atu foi le umi e toe faaleleia ai.
O nofoaga na faaleagaina o le nofoaga o loo faamamā ai le suavai i Pukekohe lea na lolovaia ma e le i toe faaaogaina e oo mai i le asō, e faapea foi Muriwai, o le nofoaga o loo alu iai wastewater i Rosedale atoa ai ma Wairau.
Ae mo aiga Aukilani na matuai faaleagaina fale ona o lologa ma o loo moomia galuega faamamā, o loo iai le fesoasoani mai le pulega.
