Ua faaopoopo atu i le vasega o alii ma tamaitai leoleo o le falepuipui le vasega fou e toa 20 ua mae’a a latou aoaoga ma ua maua tusipasi e faapine ai le mae’a aloaia o lea laasaga tāua, o le ofoina o o latou tagata e tautua le Malo ma le atunuu e ala i galuega o le vaaia o le aunofosala o loo tuli faasalaga i le falepuipui.
O le Aso Lulu o le vaiaso nei na faauu ai le faaopoopoga fou e 20 o leoleo o le falepuipui i se sauniga sa molimauina e le pulega o le matagaluega o leoleo falepuipui ma le ola toefuataiga.
