Search
Photo by Newshub

177 moliaga o se tamaitai ona o le toesea o le $100 afe tala

Ua molia e leoleo  i ni moliaga e 177 se tamaitai sa galue i le faletupe o le National Bank of Samoa e mafua i le toesea o se tinoitupe e tusa ma le selau afe tala.

O faamaumauga a leoleo i moliaga uma o loo faailoa ai, o seleni o nisi o teugatupe a tagata i lea faletupe na aafia i le solitulafono.

Ua teena e Upuia Suaalofi moliaga a leoleo ma ua faatulaga ai e le faamasinoga le valaauina o molimau a leoleo i le masina o Iuni o le tausaga fou 2024.

O loo tatala i tua lē ua molia i aiaiga masani o le taofia o lona tusifolau ma saini i le ofisa o leoleo.

I se tasi o mataupu sa valaau i le faamasinoga sili i le amataga o le vaiaso, o moliaga o Seira Malifa o loo tuuaia i le toesea o se tinoitupe e tusa ma le tasi tesimale 3 miliona tala mai le faletupe o le ANZ i Apia.

O Iulai o le tausaga fou lea ua toe faatulaga e valaau ai molimau a leoleo e lagolago ai moliaga e 25 o loo teena e Seira sa galue i lea faletupe.

O loo ioeina e Seira isi moliaga e 303 lea o le a fofogaina iai se faaiuga pe a mae’a suesueina moliaga o loo ia teena.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required