O le 170 miliona ua faaagaga ane mole auaunaga a faiaoga I aoga amata, e manatu le minisita o Aoga o le a fesoasoani tele lea ile faatinoina o tiute o lenei tausaga. O lea foi faatatau e pei ona lipotia I le televise niu sila I le aso e ono oo atu ai I le 17 pasene le faaopoopoga I totogi o nisi o faiaoga,
Fai mai le minisita Chris Hipkins o le folafolaga lea ao lumanai ai le lTala o le tupe a le atunuu ole a agai tonu I tulaga o totogi mo faiaoga o aoga amata. O nei suiga o le a fesoasoani ai I nisi o faigata sa feagai ai I tulaga o le sailia o tagata faigaluega.
Taua e le minisita o leisi fesoasoani I tulaga lava tau faatupeina o auaunaga o le a avanoa mai ia Ianuari o le tausaga fou 2022 . O le tausaga na tea nei na tuuina ai e le malo le 151 miliona I auaunaga tau aoga amata ma fesoasoani ai I totogi o faiaoga.
Ile amataga o le tausaga nei na faailoai ai I se suesuega na faia a le NZ Educational Institute le siitia o le manaoga mo faiaoga mo aoga amata.
