E toa 13 tagata taaalo fou a Ausetalia ua faaopoopo i lana ‘au o loo tapena mo le Ipu o le lalolagi i le lakapi liki.
Ua lipotia i le asō e le One News se faamatalaga mai le faiaoga o le ‘au a Ausetalia, Mal Maninga e faapea o le manumaloina o tamarillos e faamalosia ai le tagata taalo ma o le Ipu o le lalolagi o se avanoa lelei lea e faataunuu ai ia moemitiga, ma o loo agai atu Ausetalia e manumaloina le ipu.
O loo ta’ua foi i lipoti e le taumate o taamilosaga o le Ipu o le lalolagi i le lakapi liki i le tausaga nei o le a iai i se tulaga maoae le aumaimoa aua e pei o lea faatoa toe mafai ona faataunuu lelei nei taamilosaga ina ua fāi atu vavao o le koviti.
O le kapeteni o le Kangaroos a Ausetalia, James Tedesco ua ia ta’ua o se faaaloalo maualuga le avea o se sui o le ‘au ma e ui e le o le ‘au a le Kangaroos le ‘au tele o le a iai i le taamilosaga ae o latou le ‘au aupito i galulue malosi ma o le a taumafai foi e sili atu le latou galulue nai lo isi ‘au uma o le taamilosaga.
