E lei leva nei ni vaiaso talu ona toe amatalia taamilosaga lakapi a iuni faaitumalo i le atunuu, ma ua faailoa e le pulega o le lakapi Samoa le kalena o ana polokalame, ma taamilosaga o loo tapena iai mo lenei tausaga.
Ua faailoa ai foi ma nisi o tama taaalo lakapi ua faia iai faasalaga ma o se faamanatu lea ua ave e le pulega o le lakapi Samoa i iuni faaitumalo uma, e tautuana tama lakapi ua faasala mo le olaga atoa e le toe taaalo lea e toa 12, ae 24 ua faasala e le mafai ona toe taaalo mo le lima tausaga.
O nei faasalaga e mafua lava i aiaiga o tulafono e pulea ai tama lakapi, ma o lo latou solia o nei tulafono ua iu ai i nei faasalaga.
O le aofaiga atoa o tama lakapi o loo faasala e 36.
