E ese mai i tagata maliliu, ae o le taeao nei ua faamaonia mai ai e le minisita o felauaiga Michael Wood e 12 tagata galulue faavaitaimi o loo taumafai e faafesootai.
O i latou nei sa galulue i Hawkes Bay ma e le o mautinoa e le minisita poo fea atunuu e malaga mai ai.
Ta’ua ai foi e Wood e 5,000 tagata galulue faavaitaimi i le vaega lea o Hawkes Bay na aafia, ma o le toatele o lea ua malu seia vagana ai le 12.
Mai le augalulue o loo ave le faamuamua i le sailiga o le 12 lea i le asō, ma atonu o nisi ua sulu atu i nisi nofoaga ae e le o iloa.
