Lambda variant

Aafia i le Koviti 19 sui o le vaega o le puipuiga a Niu Sila

Ua faamaonia le aafia i le koviti 19 o ni sui se toalua ole vaega o le puipuiga a Niu Sila sa fesoasoani i le aveesea mai o tagata Niu Sila ma Afghanistan mai Afghanistan.

Faamaonia mai e se sooupu mai le vaegao le puipuiga e pei ona taua i le One News, na aafia mai i laua ia ao iai i United Arab Emirates.

O loo faanofoesea i le taimi nei i laua ia ma o le a usitaia foi aiaiga ma tuutuuga tau le saogalemu ma le soifua maloloina ao lei toe malaga mai i le atunuu.

Taua e le sooupu o i laua uma ia ua maea ona faia uma tui puipui o le faamai ma o loo ise tulaga manuia.

O i latou uma o totino o le vaegaau tau puipuiga a niusila e manaomia lava ona faanofoesea mo le 14 aso pe a taunuu mai i le atunuu.

O le masina na tea nei na auina ai se ‘au a le vaegao le puipuiga e toa 80 e aveesea mai tagata Niu Sila ma i latou e iai visa e ulufale ai i Niu Sila mai le malae vaalele faavaomalo i Kabul ae lei tupu le faalavelave faapa pomu pule i le ola na aafia ai soifua talu ai nei.

O le vaega muamua o i latou ia na taunuu mai i fanua i le aso 23 o Aokuso.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required