A o faitau aso ai nei ona taunuu lea o le faamoemoe o le aso fanau o le selau tausaga o le Kolisi o Avele, o le Aso Gafua o lenei vaiaso na tauaao ai e le asosi faatina o tama ma teine tuai o lea Kolisi le foai tupe e selau afe tala, mai le asosi o tama ma teine tuai o Avele i totonu o le aai o Aukilani i Niu Sila.

O se foai tupe ua tuuina atu mo le galuega o le maota poo le fale Samoa o le Kolisi lea ua faamoemoe e umusa i le Aso Lulu o le vaiaso nei, o se tasi o polokalame o le selau tausaga.

E tele isi foai tupe faapea sa tauaao e le asosi faatina i Samoa a o faia tapenaga i le toe fausia o se fale Samoa o le kolisi.