O le vevesi sa tulai mai i se taaloga soka na faia i Melepone ua lē taunuu ai ma lea taaloga ae o le vevesi na aofia faatasi ai le autaalo ma le aumaimoa.
Ua lipotia e le 9News o le faaiuga o le vaiaso na tulai mai ai le vevesi lea a o faia le taaloga a St Albans ma Hillside.
Na valaau ane le fesoasoani a leoleo i Kings Park i St Albans.
O ata na maua i lipoti a le 9News ua faailoa ai le toatele na aofia i le vevesi ae leai ni manu’aga ua lipotia i leoleo ma e leai foi se isi ua taofia e leoleo i lea mataupu.
E le o ta’ua le mafuaaga ae o loo faia suesuega.
O tulaga lava ia faapea ua taatele foi ma ua iu ai ina lusi avanoa o nai isi tupulaga talavou i taaloga mafua mai i tulaga faapea.
E manatu nisi ua tatau lava ona fai se tulafono i ituaiga mataupu nei e le gata mo le puipuga o le autaaalo ae o le ‘alofia foi o le ma’umau o avanoa i taaloga mo le faaleleia atili o le taumafai ma taleni.
