E tolu kamupani vaalele faavaomalo ua faalēaogāina a latou faigāmalaga e aga’i ese mai Venezuela i le Aso Toona’i na te’a nei ina ua lapata’ia e le US Federal Aviation Administration e ono aafia i se tulaga lē lelei pe a faatino ia faigāmalaga.
O le Brazil’s Gol, Colombia’s Avianca ma le TAP Air Portugal sa faalēaogāina a latou faigāmalaga e pei ona faailoa i le upega tafa’ilagi o le Flightradar24.
Fai mai le lipoti mai le Aeronautica Civil de Colombia sa iai lamatiaga mo femalagaa’iga tau vaalele i le atunuu ona o le faaitiitia o le tulaga tau le puipuiga ma le faaopoopo pea o gaioiga tau militeli i lea faaitu.
Ua ta’ua o loo vaavaai kamupani vaalele i le tulaga tau le saogalemu i le atunuu ona faato’ā faaauau lea o a latou faigāmalaga.
Ua faailoa foi e le CNN i nai masina ua tuana’i atu ua vaaia le faateteleina o gaioiga faamiliteli a Amerika i le atunuu lea e aofia ai le oo atu iai o le vaa tele a le Navy e feavea’i ai vaalele, faapea ma isi vaatau e valu ma le vaaleletau o le F-35.
Puna o Faamatalaga: https://edition.cnn.com/2025/11/22/americas/venezuela-airlines-us-intl-hnk
