Ua faailoa i le asō e le ta’ita’i o le Itu Agai a Venezuela o Maria Corina Machado i le aufaasalalau ua mae’a ona ia tuuina atu lana pine o le Nobel Peace Prize i le Peresetene o Amerika, Donald Trump i se feiloa’iga sa faia i le Fale Pa’epa’e i le vaiaso nei ae e na te le’i faailoaina pe sa taliaina e Trump lea foa’i.
Saunoa Machado o le asō o se aso tāua i le talafaasolopito o tagata Venezuela ma o le ulua’i taimi foi lea ua feiloa’i atu ai i le alii Peresetene.
I le mae’a mai la o le feiloa’iga lea a Machado ma Trump sa faailoa ai e Machado i nisi o ana lagolago i fafo ane o le Fale Pa’epa’e e mafai ona o latou faalagolago ia Trump.
E lē o manino mai lava la pe sa talia e Trump le award pe leai ma o loo faatalitali foi le to’atele i sana saunoaga e faatatau i le feiloa’iga ma Machado ae pe o le a tuuina foi iai lana lagolago mo le vaaia o Venezuela.
Puna o Faamatalaga: https://www.bbc.com/news/articles/cx2w94wp4p1o
