E talia lelei e le Peresetene o Ukraine o Volodymyr Zelensky nisi vaega tāua o talanoaga mo se filemu na faia ma Amerika i Geneva peita’i o le faafitauli autū o le tumau pea o le finau mai a Vladimir Putin e tuuina atu teritori o Ukraine o loo nofoia e Lusia i le itu i Sasa’e o le atunuu.
O le mae’a o talanoaga sa faia a sui o Amerika ma Ukraine i Switzerland i le Aso Sa na te’a nei ua lipotia mai ai le aga’i i luma o taumafaiga mo se filemu peita’i o loo iai lava nai matāupu ia o loo tumau ai pea le eseese o taofi.
Ina ua mae’a ia talanoaga o loo lipotia le faia o se faamatalaga a Trump e ono iai se mea lelei e tupu.
O loo ta’ua i lipoti a le BBC e iai foi le fuafuaga sa tuufaatasia e ta’ita’i o Peretania, Farani ma Siamani peita’i fai mai Amerika e lē o iloa e latou lea fuafuaga ae o loo faatalitali nei la pe ono talia loa e Ukraine le peace plan e pei ona latou tuuina ane a o le’i oo i le Aso Tofi o le vaiaso nei.
Puna o Faamatalaga: https://www.bbc.com/news/articles/cpd6qd10l94o
