Ua tuuina mai nei i tua e le Ofisa a le Vaaitau se fautuaga i uiga loulouā o le tau o le a feagai ma le tele o faaitu o le North Island faapea itu i Mātū o le South Island.
Faamauina i faamatalaga o le a vaaia le mamafa o timuga, mai peau māmā o le ea e faasolo mai i vaega uma o le atunuu.
Ua faaalia le iai o fautuaga i le vaega lanumoli mo faaitu o Bay of Plenty ma Rotorua, e oo atu lea i le 150 milimita le malolosi o timuga e pa’ū poo le 25-40 milimita i le itula e pa’ū, ma e ono iai nai faititili e pāpā ma uila e emo.
Ta’ua i lipoti mai le 1News na faailo ai foi le iai o Marlborough, north of Ward ma fautuaga e pei ona iai i le vaega lanumoli, e ono iai lōlōga maualuluga o tafega o vaitafe, māseesee auala, ma lē saogalemū ai mo feoa’iga o taavale.
Ua fautuaina e le vaaitau, e iai taimi e tō mai ai uaga mo sina taimi, peita’i e iai taimi o le a faaumiumi ai ona tō tetele mai timuga.
O le a toe vaaia le lelei mai o foliga o le tau i le taeao o le Aso Faraile e amata mai i i le itu i Sisifo o le atunuu.
Puna o Faamatalaga: https://www.1news.co.nz/2026/01/15/rain-warnings-in-place-threat-of-thunderstorms/
